Añorgaren kontra garaipena eskuratu ondotik, denboraldiko bigarren jardunaldian 2-0 galdu zuten irundarrek Realaren aitzinean

Euskal Ligan, Mariño Real Unionek denboraldiko bigarren jardunaldia jokatu zuen igandean, irailaren 15ean, Zubietan Realaren kontra. 2-0 galdu zuten irundarrek, baina sensazio onekin bukatu zuten partidua. Donostiarren golak irundarren akatsak izan zirela aipatu du Mireia Zumeta jokalari eta kapitainak. Akats horiek, denboraldia aitzinera joan ahala, konpontzeko gai izanen direla sinesten dute.