Zaisa Txingudik Sortzen taldea jasoko du bihar Plaiaundin

Txingudi Rugby Klubeko senior mailako gizonezkoek Zaisa Txingudi taldeak etxean jokatuko du berriz ere asteburu honetan. Oraingoan aurkari zuzen bat izanen du aitzinean Plaiaundin, Sortzen C/Beltzak taldea. 16:00etan hasiko da neurketa eta mugakoek irabaziz gero, sailkapenean aurkaria aurreratzeko aukera dute. 

Hiru jardunaldi bertzerik ez zaizkio gelditzen Zaisa Txingudiri denboraldiari bukaera emateko eta sentsazio onekin egin nahi dute hau. Mugakoak sailkapeneko azken postuan daude, 12 punturekin guztira, baina sailkapenean gora egiteko aukera dute oraindik, azken hiru neurketetan punturen bat lortuz gero. Bidasotarrek joko ona erakutsi dute denboraldi guztian behar, nahiz eta jokalari guti edukitzeak euren emaitzak baldintzatu dituen. Hala ere, garaipena eskuratzeko prest daude, aitzinean aurkari zuzen bat izanen dutelako eta hauei irabaziz gero, sailkapenean gora eginen luketeelako. Sortzen irregularra izan den taldea da eta beraz, puntuak irabaztea eskuratu dute Iñigo Camarera eta Leire Muñozen jokalariek. 

Neurketa berezia izanen da gainera, Zaisa Txingudiko jokalariek keinu berezia izanen dutelako Orerea Rugby Taldearekin, eta gorriz jokatuko dutelako. Errenteriako taldea 1985ko otsailean sortu zen eta Lasarte-Oriako Beltzak zituen aurkari kuttun bezala Euskal Herriko Rugby Eskola Independienteak antolatzen zituen txapelketetan, 90. hamarkadan bi taldeak desagertu ziren arte. Lasartearrek 2009an birsortu zuten haien taldea, Zarauzko taldearen laguntzarekin, eta orain errenteriarrak lan horretan dihardute Txingudirekin elkarlanean. Oarsoaldeako proiektuaren bultzatzaile den Xabi Sanchezen hitzetan "Oreretaren sorreraren 40. urteurrena nolabait omendu nahi dugu keinu honekin. Bi taldeetako beteranoak gonbidatu ditugu Plaiaundira etortzera beraiek aspaldian jokatu zuten partidak gogora ekartzeko”.

Biok Txingudik sailkapeneko liderra bisitatuko du asteburuan

Biok Txingudik, bere aldetik, sailkapeneko liderra den Uni Bilbo taldea bisitatuko du bihar ere, 15:30ean. Neurketa zaila izanen dela aurreikusi dute mugakoek, aurkari benetan gogorra izanen dutelako, aurten ere Ligako txapela janzteko ahaleginetan dagoena. Izan ere, Liga irabazteaz gain, lehen postuan bukatzen duenak play-offeko finalerako zuzeneko sailkapena lortuko du, Ohorezko B Mailara igotzeko promozioa hain zuzen ere. 

Biok Txingudik ere, play-off jokatzeko sailkapen matematikoa lor dezake partidu honetan, Bilboren kontra galduta ere, Neskak Loratzen taldeak porrota jasoko balu, mugakoak sailkatuko liratekeelako. Horrela, Asier Gonzalez, Alejandro Lasa eta Patxi Artola teknikariak buru belarri ari dira norgehiagoka prestatzen, taldeak jokorik onena erakus dezan Errekaldeko errugbi zelaian.

Txingudiko gazteak ere lehian

16 urtez azpiko Txingudi/Baztan taldea Plaiaundin arituko da baita ere, senior mailako gizonezkoen aitzinetik. Hauek Gernika/Arratikoren kontra ariko dira, 13:00etan. 18 urtez azpiko Gabiria Txingudi/Bera Bera/Baztan taldeak berriz, Donostiara bidaiatuko du, Puio zelaian bizkaitarren kontra aritzeko, bihar 13:30ean. Azkenik, 14 urtez azpiko Txingudi/Orereta/Baztan taldeak Hernanin izanen du partidua, bihar ere 11:00etan.