ZAISA BIDASOA IRUN ESPAINIAKO SEKTORE FASEAN

Kadete mailako gizonezkoak Kantabrian egonen dira asteburuan B multzoan Sektore Fasea jokatzen

Zaisa Bidasoa Irun, Bidasoako kadete mailako gizonezkoak, Kantabrian izanen dira asteburuan, Espainiako Sektore Fasea jokatzen. Irundarrei B multzoan jokatzea egokitu zaie, eta HBC’74 Tecninorte (Kantabria), BM Alcobendas (Madril) eta Barça (Katalunia) taldeen kontra ariko dira.

Gaurko hasiko da Sektore Fasea eta lehenik, HBC’74 Tecninorte eta BM Alcobendas lehiatuko dira, 18:30ean, eta ondotik, 20:30ean Barça eta Zaisa Bidasoa Irun izanen dira aurrez aurre. Bihar, maiatzaren 25ean, HBC’74 Tecninorte eta Zaisa Bidasoa Irunen arteko partiduak irekiko du bigarren jardunaldia, 18:30ean eta ondotik, Barça eta BM Alcobendas ariko dira, 20:30ean. Azkenik, igandean, BM Alcobendas eta Zaisa Bidasoa Irunen arteko norgehiagoka izanen da 10:00etan, eta 12:00etan, HBC’74 Tecninorte eta Barçaren artekoa.