Unai Barreto Usabarrena Bidasoaren lehen taldearen ariko da

CD Bidasoa Irunek jakinarazi duenez, Unai Barreto Usabarrena lehen taldeko jokalari bilakatuko da, bi aldeetako akordio bat sinatu ondotik. Jokalariak 2030eko ekainaren 30era arte sinatu du talde horiarekin. 

Unai Barreto CD Bidasoa klubean garatu den jokalaria da. Harrobiko taldeetan egon ondotik, lehen urteko jubenil ere izan zen klub berean. Ondotik, Lehen Nazionaleko Il Capo Hondarribian aritu da, 37 gol satuta guztira, bataz bertze hiru gol sartuta partiduro. Plenitude ASOBAL Ligan debuta egitko aukera ere izan du aurtengo denboraldian, Viveros Herol Balonmano Nava taldearen kontrako partiduan eta bertan ere, bi gol sartu zituen. Honez gain, Espainiako selekzioarekin deialditan ere parte hartzen du Barretok. Duela gutti ere Espainiako Eskubaloi Federazioaren Teknifikazio Nazionaleko Jardunaldietan parte hartzeko deia jaso du, Granadako CARean, otsailaren 10etik 17ra.

Julen Aginagalde Bidasoa Kirol Klubeko Kirol zuzendaria oso pozik agertu da berri honekin: “Etorkizun handienetakoa duen jokalarietako batekin akordio hontara iristeagatik oso pozik nago, eta oso garrantzitsua da harrobiarekin egiten ari garen lana indartzeko. Unaik proiektuan konfiantza izatea eta 2030era arte gurekin konpromisoa hartu izana albiste ona da”. Akordio honek “gazteengan konfiantzazko lan horretan eta klubaren harrobiari balioa ematen indartzen gaitu”, azpimarratu du.