Txingudi Rugby Taldeko senior mailako taldeak kanpoan arituko dira asteburuan

Txingudi Rugby Taldeko senior mailako taldeak etxetik kanpo jokatuko dute asteburu honetan. Biok Txingudi Durangon izanen da, larunbatean 16:00etan. Zaisa Txingudik berriz, Iruñeara bidaiatu beharko du larunbatean ere, 16:30ean. 

Biok Txingudik Durango bisitatuko du asteburuan, mugakoen sailkapeneko arerio zuzena dena. Irundarrak sailkapeneko bostgarren postuan daude kokatuta, lau punturekin eta durangarrak berriz, laugarren postuan sailkatuta daude, bost punturekin. Norgehiagoka zaila eta borrokatua izanen dela aurreikusten da, denboraldiko lehen fasean Plaiaundin, bizkaitarrek lan handia egin behar izan baitzuten garaipena eskuratzeko. 

Zaisa Txingudik berriz, Iruñeara bidaiatu beharko du larunbatean ere, bertako Iruña taldearen kontra lehiatzeko. Nafarrak igoera postuengatik borrokatzeko lehian daude, 33 punturekin guztira. Ez dute amore emanen beraz, azken aurreko postuan dauden mugakoen kontra. Neurketa hau ere zaila eta borrokatua izanen da bidasotarrentzat, baina ez dute besoak jeitsiko. 

14 urtez azpiko taldeak Ligako bigarren fasea hasiko du

14 urtez azpiko Txingudi/Baztan/Orereta taldeak Gipuzkoako Ligako bigarren fasea hasiko du larunbat honetan, 10:30ean, La Unica. Lau jardunaldi izanen dituzte bigarren fase honetan eta erabakigarriak izanen dira eta taldearen helburua lehen bi postuetan sailkatzea izanen da. 

Mattin Petrikorena, Euskadiko selekzioarekin

16 urtez azpiko Txingudi/Baztango jokalaria den Mattin Petrikorenak Euskadiko selekzioaren deia jaso du berriz ere. Larunbat honetan, Autonomien arteko Txapelketaren azken jardunaldia jokatuko du Petrikorenak talde

6 nazioen partidak, Txingudi Rugby Tabernan

Europako errugby txapelketarik ezagunena hasiko da ortzirale honetan, urtarrilaren 31n eta Txingudi Rugby Taberna prest dago bere egoitzan partiduak emateko. Horrela, Frantzia eta Galesen arteko neurketa izanen da emanen duten lehena, bihar 21:15ean. Larunbatean berriz, Eskozia eta Italiaren artekoa emanen dute (15:15) eta ondotik, Irlanda eta Ingalaterraren artekoa (17:45).