Txingudi Rugby Klubeko senior taldeek Bizkaian jokatuko dute urteko azken jardunaldia

Txingudi Rugby Klubeko senior mailako bi taldeek urteko azken jardunaldia jokatuko dute asteburuak, biak etxetik kanpo eta biak ere Bizkaian. Biok Txingudik Getxora bidaiatuko du, bertako Neskak Loratzen taldearen kontra lehiatzeko. Neurketa bihar ospatuko da, abenduaren 14an, 15:00etan. Txapeldunen artean ariko da mugako taldea eta lan ona egiteko prest dago. 

Zaisa Txingudik berriz, Igorreko Arratiko Zekorrak taldea bisitatuko du bihar ere, 16:00etan. Aspaldiko ezagunak dira bi talde hauek eta garaipena borrokatua izanen da, puntuak lortzea baino garrantzitsuagoa klubaren erranetan. 

Harrobiko jokalariak ere lehian

18 urtez azpiko Gabiria Txingudi/Bera Bera/Baztan taldea bihar Logroñon ariko da, bertako taldearen kontra, 13:30ean. 16 urtez azpiko Txingudi/Baztanek berriz, Bizkaiara bidaiatuko du Durangoren kontra lehiatzeko, bihar ere eguerdiko 12:00etan. 14 urtez azpiko Txingudi/Baztan/Orereta taldeak ordea, Plaiaundin jokatuko du asteburuko jardunaldia. Bertan jasoko du Zarautz/Beltzak taldea, bihar 10:30ean. Azkenik, 10 eta 12 urtez azpiko eskolako taldeak Donostian izanen dira igandean, 10:30ean, bertan ospatuko den topaketa batean parte hartzen.