Txingudi Rugby Klubeko gazteek eta beteranoek Plaiaundi hartuko dute asteburuan

Txingudi Rugby Klubeko senior mailako taldeek atsedenaldia izanen dute asteburuan, baina Plaiaundi errugbi jokalariz beteko da bihar ere. Txingudiko Beteranoek lagunarteko txapelketa jokatuko dute bihar, 10:00etatik 12:00etara, Rioja, Emak Hor eta Bera Bera taldeen kontra. Horren ondotik, 18 urtez azpiko Gabiria Txingudi/Bera Bera/Baztan taldeak Ligako jardunaldia jokatuko du, 12:30ean, La Unicaren kontra. 

18 urtez azpiko Gabiria Txingudi/Bera Bera/Txingudi taldeak Ligako neurketa jokatuko du bihar, martxoaren 22an, Plaiaundin. 12:30ean izanen da partidua eta etxekoek Iruñeako La Unica jasoko dute. Peio Castellanoren zuzendaritzapean dauden jokalariak B multzoko laugarren postuan daude kokaturik, hamabi punturekin guztira. Bihar garaipena lortuz gero, bigarren postura igo daiteke taldea eta hori izanen dute begiz jota bidasotarrek. 

Partidu honen aitzinetik, Txingudiko Beteranoak ariko dira lehian, lagunarteko txapelketa bat jokatzen, Rioja, Emak Hor eta Bera Bera taldeen kontra. 10:00etatik 12:00etara ospatuko dira neurketak. Honekin, beteranoek euren eguna ospatuko dute bihar. 

14 urtez azpiko jokalariak Gipuzkoako selekzioarekin

13 eta 14 urtez azpiko errugbilariek ere hitzordua izanen dute larunbat honetan, kasu honetan, Gipuzkoako selekzioarekin. Ordizian izanen da topaketa eta Txingudi Rugby Taldeko hamabi jokalari izanen dira bertan: Markel Aizpurua, Telmo Bereciartua, Aiur Callao, Markel Celestino, Oier Goenaga, Goretti Lekuona, Oihan Sanchez, Beñat Tristan, Unai Aizpurua, Giovani Ciurar, Galder Eizaguirre eta Omar El Mossaoui.