REAL UNIONGO BETERANOAK FINALERDIETAKO ATARIAN GELDITU ZIREN DONOSTI MASTERS CUP TXAPELKETAN

Helduenek Atletic San Justen kontra galdu zuten final laurdenetan eta gazteenek UD Aretxabaletaren kontra, kanporaketa berean

Donosti Masters Cup txapelketa ospatu zen pasa den asteburuan Gipuzkoako hiriburuan. Bertan, 80 taldeek baino gehiagok parte hartu zuten, tartean Real Uniongo Beteranoetako bik: +50 kategoriako Real Uniongo Beteranoak eta +35 mailako CD Roca-k.

Berrogeita hamar urte baino gehiago zituzten jokalariak multzoko bigarren postuak sailkatu ziren lehen kanporaketan, AS Sonvico eta Castelloneko Beteranoak gaindituta, Aragoiko Beteranoekin berdinduta eta Peton-en Club San Agustin taldearen kontra galduta. Final laurdenetan berriz, Atletic San Justeko jokalariak izan zituzten aurrez aurre, eta 1-0eko emaitzarekin galdu ondotik, finalerdietarako txartelik gabe gelditu ziren irundarrak.

Hala ere, momentu hunkigarrietako denbora izan zuten hauek. Izan ere, Jose Antonio Legoburu Real Uniongo Beteranoen elkarteko presidenteak Loren Munguiaren semea den Hegoiri beteranoen taldeko kamiseta bat oparitu zion, bere izena gibelean idatzita zuela.Hegoi borrokaren eta gainditzearen adibide da eta horregatik, denek txalotu zuten omenaldi txiki hau.

Hogeita hamabortz urtetik gorako taldeak berriz, CD Roca izenarekin hartu zuen parte, mendeurrena ospatzen ari den taldeari aitortza eginez. Lehen kanporaketak arrakastaz gaindituta, multzoko lehen sailkatuak izan ziren. Autorestore taldearekin berdindu, eta AS Spatiale Aquitaine eta AAA Universidade de Aveiro taldeak gaindituta, final laurdenetara pasatu ziren. Final zortzirenetan ere erraz gailendu zitzaizkien Baziege Olympique Club taldeari, 5-0eko emaitzarekin. Hala ere, ez zuten zorte bera eduki final laurdenetan. Orduan, UD Aretxabaletak 1-0 irabazi zuen eta CD Roca kanporatu zuen finalerdietatik. 2016tik talde honek 35 partida jokatu ditu galdu gabe eta orain, bolada on horri bukaera eman zioten.

Irungo taldeak UD Aretxabaletari errebantxa jokatzeko aukera izanen du oraindik ere. Izan ere, heldu den ekainaren 24an Stadium Galen ospatuko den Ciudad de Irun txapelketan hartuko du parte, Real Sociedad Gimnastica de Torrelavega taldearekin batera. Edonola ere, Real Uniongo Beteranoek ekainaren 18an izanen dute hurrengo hitzordua, Realaren kontra, Reale Arenan bertan.