REAL UNIONEK LEHEN ALDIZ ANTOLATU DU ALEBINEN MUGAZ GAINDIKO TXAPELKETA

Larunbatean ospatuko da (ekainak 10) eta guztira Hegoaldeko eta Iparraldeko hamasei taldek hartuko dute parte

Real Unionek Alebinen I. Mugaz Gaindiko Txapelketa antolatu du heldu den larunbatean, ekainaren 10ean. Stadium Galeko belar naturaleko zelaian ospatuko da, 9:30etik aitzinera eta guztira, Hegoaldeko eta Iparraldeko 16 taldek hartuko dute parte.

Lau multzotan banaturik. Ligaxka formatuan jokatuko dute alebinek hasierako fase bat. Kanporaketa hauetan sailkatzea diren multzo bakoitzeko bi talde onenak final laurdenak jokatuko dituzte eta hortik aitzinera, kanporaketa zuzenak jokatuko dituzte finalerdietara eta finalera ailegatu bitarte.

Guztira, Hegoaldeko eta Iparraldeko 16 taldek hartuko dute parte: A multzoan, Real Union Club 1, Martutene KE, JA Biarritz Football eta Landetxa KT; B multzoan, Real Union Club 2, Les Genêts d ́Anglet, CD Mariño 1 eta Hondarribia FE 1; C multzoan, Real Union Club 3, Arin Luzien, CD Behobia eta Hondarribia FE 2; D multzoan, CD Mariño 2, CD San Marcial, Reala eta Labenne OSC Football.

Txapelketa 9:30ean hasiko da, A eta B multzoetako lehen kanporaketekin. 14:00etatik aitzinera berriz, C eta D multzotako taldeek jokatuko dute atariko fasea. Finala azkenik, 20:00etan jokatuko da.

Lehiaketa aplikazio baten bidez segitu daitekeela argitu dute Real Unionetik. Horretarako, https://winner-9bee4.firebaseapp.com/download.html estekaren bitartez deskargatu beharko da eta saioa hasi. Behin hau eginda, bertze esteka honetan sartu beharko da https://winner- 9bee4.firebaseapp.com/?action=follow_tournament&id=9PjY6sk2rXxbmo5zcr2K, edota aplikazioaren barruan (+) botoia saiatu eta “ALEBINEN MUGAZ GAINDIKO I. TXAPELKETA” bilatu.