Real Unionek banako berdinketa lortu zuen sailkapeneko liderraren kontra

Real Unionek puntu bat atera zuen, pasa den larunbatean, Cultural Leonesaren kontrako partidutik. Banako berdinketarekin bukatu zen jardunaldia, eta talde txuribeltzak sailkapeneko liderraren etxean puntu bat poltsikoratzea lortu zuen. Hala ere, Albert Carbóren taldea egoera larrian dago oraindik eta puntuak batzen segitu beharko du jeitsiera postuetatik aldentzeko. 

Victor Eimilek lortu zuen asteburuko jardunaldiko lehen gola sartze, lehen zatiko bederatzigarren minutuan. Real Unionek beraz, segidan lortu zuen sailkapeneko liderra den Cultural Leonesaren kontra markagailua bere alde jartzea. Aitor Arazabek eskuin hegalera ireki zuen eta Victor Emili pasatu zion baloia. Azken honek erdiraketak lortu zuen sarera sartzea eta lehen gola lortzea. 

Atsedenaldira 0-1ekoarekin joan baziren ere, bigarren zatian etxekoek aukera aprobetxatu eta emaitza berdindu egin zuten. 64. minutuan sartu zuen Anton Escobarrek gola, ezker hegaletik egindako erdirakela baten ondorioz hartuta baloia eta jaurtiketa eginda. Ondotik, bi taldeak saiatu ziren bigarren gola eskuratzen eta jardunaldiko hiru puntuak ere bereganatzen, baina ez batak ez bertzeak ere ez zuen atean asmatu eta berdinketarekin bukatu zen partidua. 

Berdinketa honekin eta puntu bat gehiago eskuratuta, sailkapeneko hamabostgarren postuan kokatu da Real Union, 36 punturekin guztira. Heldu den ortziralean, martxoaren 28an, FC Andorra jasoko du talde txuribeltzak Stadium Galen, eta helburu bakarra izanen du begiz jota: irabaztea.