REAL UNION ROCAK PUNTU BAT ESKURATU ZUEN ORIOKO-REN KONTRA

Carlos Garciaren mutilei zaildu egin zitzaien neurketa, baina berdintzeko gai izan ziren azkenean

Real Union Roca: Iza; Cabo, Sarr, Olaciregui, Sagredo; Letamendia (Artola, 88. min.), Sanchez, Corvo (Arzuaga, 45. min.), Rodriguez (Ollo, 62. min.); Blanco (Fernandez, 62. min.), Palenzuela (Abad, 78. min.).

Orioko FT: Del Olmo; Mugica, Garate, Olano, Colado; Barrenetxea, Carmona, Astigarraga, Dorronsoro (Amas, 78. min.), Bruño (Arruti, 69. min.); Lizaso (Emparanza, 75. min.).

Emaitza (1-1): 0-1, Carmona (min. 59); 1-1, Letamendia (min. 68).

Epailea: Luis Loidi Tuduri. Txartel horia atera die Cabori (32. min.) Real Union Roca taldean eta Astigarragari (44. min.), Del Olmori (57. Min.), Olanori (68. min.) eta Mugicari (85. min.) Orioko FT taldean.

Bestelakorik: Gizonezkoen Gorengo Erregional mailako 21. jardunaldia. Galeko anexoa. 200 ikusle inguru.

Real Union Rocak bana berdinduta bukatu zuen igandean Orioko FT taldearen kontra jokatutako neurketa. Bigarren zatian zaildu egin zitzaien norgehiagoka etxekoei, baina Letamendiaren gol bati esker, berdintzeko gai izan ziren azkenean.

Golik gabeko lehen zatia jokatu zuten Galeko anexoan irundarrek eta oriotarrek. Aldageletatik bueltan berriz, indarra hartu zuten bisitariek eta, Carmonak sartutako gol bati esker (59. minutuan), markagailuan aurrea hartzeko aukera aprobetxatu zuten. Etxekoek puntuak galtzeko arriskua sentituta, berdinketaren bila hasi ziren hurrengo minutuetan. Hain zuzen ere, bederatzi minutu beranduago, Letamendiak baloia atean sartu eta bana berdintzea lortu zuen behin-betiko.

Puntuak banatuta, Real Union Rocak bat gehiago batu zuen sailkapenean. Orain 49 ditu guztira, eta lidergotzan jarraitzen du. Datorren asteburuan Sanpedrotarra FE taldea bisitatuko dute irundarrek, 30 punturekin zortzigarren postuan dagoen taldea hain zuzen ere.