Real Union Rocak hiru puntu eskuratu zituen Argixaon

Urola KE: Luka Urretabizkaia; Ander Alonso, Josu Telleria, Igor Elizburu, Igor García (79′, Jon Tomé), Julen Erostarbe (65′, Beñat Peralto), Ekaitz Zabala (90+1′, Iñigo Gutierrez), Jon Ander Gabilondo, Ian Murillo (72′, Julio Pastrián), Haritz Isasa (75′, Urko González), Aimar Tomé.

Real Union Roca: Oihan Fernández; Ander Fernández, Iñigo Elizechea (83′, Axel Arrikarte), Iñaki Cabo (87′, Asier Unsain), Aimar Labaka; Manu Pinillos, Diego Letamendia (72′, Markel Mancisidor); Xabier Garzón, Telmo Dolado (72′, Mikel Martin), Jon Ortiz (90′, Fermín Corvo); Brice Ghussein.

Golak: 0-1, Brice Ghussein (46′). 1-1 , Haritz Isasa (49′). 2-1, Beñat Peralto (77′). 2-2, Manu Pinillos (90′). 2-3, Asier Unsain (90′).

Epailea: Mattin Otxoa de Eribe Aldasoro. Txartel horiak Urola K.E.ko Haritz Isasari (68′), eta Real Union Clubeko Jon Ortizi (3′), Diego Letamendiari (19′) eta Carlos Garciari (ent, 42′). Txartel gorria Real Union Rocako Anibal Martínezi (2. ent, 90′).

Real Union Rocak 2-3 irabazi zuen asteburuan Urola taldearen kontra. Atsedenaldira hutsera berdinduta ailegatu ondotik, bigarren zatian sartu zituzten bi taldeek gol guztiak. Talde txuribeltza jarri zen lehenik aitzinetik, baina Urolakoek emaitza iraultzea lortu zuten. Azken minutuan erabaki zen garaipena, Carlos Garciaren taldeak epaileak neurketaren bukaera adierazi aurretiko segunduetan sartu baitzituen bi gol. 

Golik gabeko lehen zatia jokatu zuten Urolak eta Real Union Rocak. Atsedenaldiaren ondotik, bertze martxa bat jarri eta irundarrek ireki zuten markagailua lehen minutuan, Brice Ghusseinen eskutik. Honek ez zuen gehiegi iraun, hala ere, etxeko Haritz Isasak neurketa berdindu zuelako hiru minutu beranduago. Hori guti balitz, Urola taldeko Beñat Peraltok bigarren gola sartu eta emaitza irauli zuen. Talde txuribeltzak borrokatzen segitu zuen, gutienez berdinketa lortzeko helburuarekin. Xabi Garzonek orduan, ezker hegaletik erdiratu eta Jon Ortizek jeitsi zuen baloia area barrura. Manu Pinillosek jaso zuen hori eta jaurtiketa gurutzatu batekin, berdinketa lortu zuen. Garaipena posible zela sinetsita, luzapenean Asier Unsainek aprobetxatu zuen aukera eta taldearen hirugarren gola lortu zuen, garaipena ere eskuratuz. 

Honen ondotik, Real Union Roca hirugarren kokatu da sailkapenean, 47 punturekin guztira. Heldu den asteburuan, Zumaiako hartuko du talde irundarrak etxean.