REAL UNION ROCAK GARAIPENAREKIN BUKATU DU URTEA

Beasain B garaitu ondotik, Mutriku jasoko dute etxean irundarrek urteari bukaera emateko

SD Beasain B: Lasa; Altzelai (Alustiza, 61. min.), Goikoetxea, Valdivieso (Martínez, 73. min.), Corta; Mujika, Ramírez, Arrese (Ibañez, 56. min.), Rojo (Agirre, 73. min.), Monreal; Nazabal (Cortés, 56. min.).

Real Unión Roca: Odei Rodríguez; Martínez-Barranco, Arteaga, Gordo, Cabo; Corvo, Delpuerto (Fernández, 80. min.), Dolado (Herrero, 63. min.), Sánchez (Poirier, 78. min.); Palenzuela (Letamendia, 63. min.), Ortiz (Tellechea, 71. min.).

Emaitza (1-2): 0-1, Gordo (10. min.); 0-2, Herrero (70. min.); 1-2, Corta (72. min.).

Epailea: Eneko Lorán Fraga. Txartel horia atera die Goikoetxeari (89. min.), eta Cortési (89. min.) SD Beasain B taldean eta Sánchezi (34. min.), Palenzuelari (52. min.), Delpuertori (69. min.), Corvori (89. min.) eta Letamendiari (89. min.) Real Unión Roca taldean.

Bestelakorik: Gizonezkoen Ohorezko Erregional Mailako 1. Multzoko ligako 15. jardunaldia. Loinaz. 300 ikusle inguru.

Real Union Rocak garaipenak batzen segitzen du. Pasa den asteburuan Beasain B taldea bisitatu zuten irundarrek Loinazen eta 1-2ko markagailuarekin irabazi zuten. Sailkapenean hiru puntu gehiago batu zituzten, eta 23 dituzte orain guztira.

Txuribeltzen lehen gola hamargarren minutuan iritsi zen Gordoren eskutik. 1-0eko markagailuarekin iritsi zen partidua atsedenaldira, eta bigarren zatian errenta hori handitzea ere lortu zuen Real Union Rocak. Herrerok sartu zuen bigarrena, 70. minutuan. Beasain saiatu zen emaitza hori iraultzen eta gol bat sartzeko aukera ere aprobetxatu zuen 72. minutuan. Hala ere, ez zen nahiko izan neurketa irabazteko.

Garaipen honen ondotik, Carlos Garciaren taldea sailkapeneko zortzigarren postuan kokatu da, 23 punturekin guztira. Heldu den asteburuan Mutriku FT jasoko dute Galeko anexoan urteari bukaera emateko.