Real Union Rocak garaipen zabala lortu zuen etxean Deustoren kontra

Real Union Roca: Odei Rodríguez; Axel Arrikarte, Manu Pinillos, Jon Ortiz, Beñat Palenzuela (70′, Brice Ghussein), Telmo Dolado (70′, Asier Unsain), Diego Letamendia (70′, Markel Mancisidor), Ander Fernández, Mikel Martin (64′, Xabier Garzón), Unai Arteaga, Ayoub El Hammami (77′, Iñigo Elizechea).

Deusto FC: Iñigo Gorriño; Aitor Matilla, Yerai Mendive, Gabriel Luiz Bemerguy, Nicolás Villagarcía (79′, Urko Elizondo), Asier González (70′, Xabat Arana), Jose Mari Ondo Bicera (Haroun El Abdli), Ander Iraeta (57′, Ibai Ugartemendia), Mohamed Chaili, Pablo Del Pozo (64′, Pablo Echeberria), Justino Bai.

Golak: 1-0, Jon Ortiz (22′). 2-0, Beñat Palenzuela (50′). 3-0, Telmo Dolado (p. 62′). 4-0, Jon Ortiz (68′). 4-1, Haroun El Abdli (85′).

Epailea: Liher Martín Delgado. Txartel horiak Real Union Rocako Diego Letamendiari (56′) eta Odei Rodríguezi (71′), eta Deusto FCko Iñigo Gorriñori (61′), eta txartel gorria Ander Iraetari (63′).

Real Union Rocak 4-1 irabazi zion larunbat eguerdian Deusto FCri. Etxean bertze hiru puntu batu zituen honela talde txuribeltzak eta laugarren postuan kokatu da orain sailkapenean. 

Lehen zatian bideratua utzi zuten Real Union Rocak partidua, baina ez guztiz erabakia. 22. minutuan, Jon Ortizek gola sartu zuen eta 1-0ekoarekin joan ziren bi taldeak atsedenaldira. Bigarren zatian, garaipena eskuratzeko asmo garbiarekin zelairatu ziren etxekoak eta berehala lortu zuten bigarren gola, Beñat Palenzuelaren eskutik. Errenta handitzeko aukerak ere ongi aprobetxatu zituen Carlos Garciaren taldeak eta Telmo Doladok hirugarren gola sartu zuen penaltiz. Hori gutti balitz, berriz ere Jon Ortizek baloia sarera sartu eta 4-0ekoa ezarri zuen 68. minutuan. Neurketa bukatzeko bortz minutu gelditzen zirenean, Deustoko Haroun El Abdlik bere taldearen lehen gola sartu zuen, baina ez zen nahikoa izan neurketaren norabidea aldatzeko. 

Garaipen honekin, Real Union Roca sailkapeneko laugarren postuan kokatu da, 41 punturekin guztira. Heldu den asteburuan, Añorga bisitatuko beharko du talde txuribeltzak Rezolan. Unai Arteaga jokalariak egin digu partiduaren balorazioa.