Real Union Rocak ezin izan zuen Zarautzen kontra punturik eskuratu

Zarautz KE: Adrián Fernández de Casadevante; Jon Aizpurua, Daniel Arrizabalaga, Julen Manterola, Ibon Garrastazu; Aitor Andreano (82′, Unai Etxeberria), Ander Irigoien (45′, Denis Gastañares), Mikel Aguila (55′, Kepa Aizpurua), Simon Aranguren (57′, Haritz Unanue), Unax Peinador, Jon Peñagaricano (67′, Jokin Oyanguren).

Real Union Roca: Oihan Fernández; Ander Fernández, Iñigo Elizetxea, Iñaki Cabo (67′, Telmo Dolado), Aimar Labaka; Manu Pinillos, Diego Letamendia; Mikel Martin (71′, Brice Ghussein), Fermín Corvo (63′, Jon Ortiz); Beñat Palenzuela, Asier Unsain (63′, Markel Mancisidor).

Golak: 1-0, Simon Aranguren (45′).

Epailea: Javier Gutiérrez Ruiz. Txartel horiak Zarautz K.E.ko Ander Irigoieni (28′), Julen Manterolari (49′), Daniel Marini (65′), Unax Peinadori (66′) eta Jokin Oyangureni (86′), eta Real Union Rocako Mikel Martini (65′), Manu Pinillosi (70′), Asier Unsaini (74′) y Jon Ortizi (77′) en el Real Unión Roca.

Real Union Rocak 1-0 galdu zuen asteburuan Zarautzen kontra. Atsedenaldira bidean lortu zuen etxeko Simon Arangurenek jardunaldiko gol bakarra eta talde txuribeltzak berdintzeko aukera izan bazuen ere, ez zuen atean asmatu eta punturik batu gabe bueltatu zen etxera, gehiago merezi izan zuenaren sentsazioarekin. 

Lehen zatia hutsera berdinduta bukatu behar zutela uste zutenean, ailegatu zen jardunaldiko gol bakarra. Zarautzeko Simon Arangurenek sartu zuen eta atsedenaldira 1-0eko markagailuarekin joan ziren. Bigarren zatian, Real Union Rocak berdinketa lortzeko asmo garbiarekin zelairatu zen eta aukerak ere sortu zituen horretarako. Manu Pinillosek jaurtiketa bat egin zuen, baina ez zen atean sartu. Ondotik, Palenzuelak lortu zuen gola sartzea, baina baliogabetua izan zen jokoz kanpo zegoelako. Horrela, golaren bila joanda ere ez zuenez asmatzerik izan, punturik gabe bueltatu zen taldea Irunera. 

Porrot honen ondotik, Real Union Rocak sailkapeneko hirugarren postua mantentzen du oraindik, 47 punturekin guztira. Iñaki Cabo jokalariak bere balorazioan aipatu duenez, taldeak lanean segituko du eta hurrengo asteburuan saiatuko da garaipena eskuratzen. Horrela, hurrengo erronka, Aloña Mendiren kontrakoa izanen da, Stadium Galen.