Real Union Rocak ez zuen punturik atera Zumaiakoren kontrako partidutik

Real Union Roca: Oihan Fernández; Ander Fernández, Unai Arteaga, Iñaki Cabo (69′, Iñigo Elizechea), Aimar Labaka (76′, Beñat Palenzuela); Diego Letamendia, Manu Pinillos (60′, Markel Mancisidor), Xabier Garzón (76′, Axel Arrikarte), Mikel Martin (78′, Asier Unsain); Jon Ortiz, Brice Ghussein.

Zumaiako FT: Iraitz Uzkudun; Iker Egaña (66′, Xuban Etxabe), Gorka Uranga, Unai Vázquez, Manex Aristi, Iker Jiménez (67′, Jokin Gorostola), Ander Bordagarai (83′, Igor Osa), Oier Bordagarai (80′, Ander Azkue), Joritz Egaña, Aimar Eizaguirre (86′, Mbaye Barro), Aitor Alonso.

Golak: 0-1, Ander Bordagarai (22′).

Epailea: Joseba Bert Oyarzun. Txartel horiak Real Union Rocako Iñaki Cabori (61′) eta Aimar Labakari (75′), eta Zumaiako F.T.ko Xuban Etxaberi (79′) eta Ander Bordagarairi.

Real Union Rocak 0-1 galdu zuen pasa den igande arratsaldean Zumaiakoren kontra. Lehen zatian lortu zuen talde bisitariak aurretik jartzea eta, saiatu baziren ere, txuribeltzek ezin izan zuten emaitza berdindu. Hiru puntuak galdu zituen, nahiz eta oraindik ere sailkapeneko hirugarren postuan dauden.

Lehen zatiko 22. minutuan ailegatu zen partiduko lehen gola, Zumaiako taldeko Ander Bordagarai jokalariak sartutakoa. Eskuin hegalean egindako jokaldi baten ondotik, Bordagaraiek jaso zuen baloia eta sare barrura sartzea lortu zuen. Hortik aitzinera, etxekoak saiatu ziren gola bilatzen eta emaitza berdintzen, baina ezin izan zituzten aukerak aprobetxatu. Jon Ortizek izan zuen gola sartzeko abagunea oinetan, baina jaurtiketak zutoina jo zuen. Azken minutura arte borrokatu bazuten ere, ezin izan zuten jardunalditik punturik atera. 

Porrot honen ondotik, Real Union Roca sailkapeneko hirugarren postuan dago kokatuta, 47 punturekin guztira. Heldu den asteburuan, Zarautz bisitatuko du talde txuribeltzak Astin. Aurkaria sailkapeneko bigarren postuan dagoen taldea da, hiru puntu gehiago dituena. 

Ander Fernandez jokalariak egin du neurketaren balorazioa.