Real Union Rocak Beti Gazte garaitu zuen Galen
Real Union Roca: Oihan Fernández; Axel Arrikarte (71′, Aimar Labaka), Peru Martínez Barranco, Manuel Pinillos, Jon Ortiz, Brice Ghussein, Diego Letamendia (89′ Fermín Corvo), Ander Fernández, Mikel Martin (71′, Markel Mancisidor), Asier Unsain (57′ Beñat Palenzuela), Unai Arteaga.
Beti Gazte: Julen Tellechea; Peio Tellechea, Jabier Maia (65′, Miguel Ubiria), Iker Agirretxe, Asier Halzuet, Jon Zabala, Iosu Zubieta (89′, Luken Urtxegi), Asier Larralde, Asier Taberna (10′, Marcos Chaparro), Mattin Lekuona, Oier Mitxelena.
Golak: 1-0, Brice Ghussein (3′). 1-1, Jon Zabala (7′). 2-1, Unai Arteaga (14′).
Epailea: Miguel Rivas Gómez. Txartel horiak Peru Martinez Barrancorentzat (87′) Brice Ghusseinentzat (89′) Real Union Rocan.
Real Union Rocak laugarren garaipena segidan lortu zuen, pasa den larunbatean Galen, Beti Gazteren kontra. 2-1eko markagailua erdietsi zuen talde txuribeltzak eta honela, jardunaldiko hiru puntuak ere bereganatu zituen, sailkapeneko laugarren postuan kokatuz.
Lehen zatian eman ziren jardunaldiko gol guztiak. Lehena etxekoena izan zen. Neurketaren hirugarren minutuan Brice Ghusseinek gola lortu zuen eta 1-0ekoa ezarri zuen Real Union Rocaren alde. Beti Gaztek segidan erantzun zuen ordea, eta lau minutu beranduago, Jon Zabalak partidua berdintzea lortu zuen (1-1), baloi luze batekin. Bi taldeak ere garaipenaren bila joan ziren hurrengo minutuetan, baina arrakasta izan zuena Carlos Garciarena izan zen. 14. minutuan, Unai Arteagak baloia sarera bidali zuen eta 2-1ekoa ezarri zuen. Bigarren zatian, erritmo altuan aritu ziren bi taldeak, baina ezin izan zituzten aukera gehiago aprobetxatu. Real Union Rocak ongi sufritu zuen azken minutuetan eta emaitza bere hortan mantentzea lortu zuen.
Hiru puntu gehiagorekin, 20 bildu ditu orain talde txuribeltzak eta sailkapeneko laugarren postuan kokatu dira. Heldu den ortzegunean, abenduaren 5ean, Tolosaren kontra jokatuko dute Berazubin, 19:30ean.
Mikel Martin Real Union Rocak jokalariak egin du jardunaldiko balorazioa.
