Real Union Rocak berdinketa erdietsi zuen Oiartzunen kontra

Real Union Roca: Odei Rodríguez; Axel Arrikarte (90’, Fermín Corvo), Manu Pinillos, Jon Ortiz, Brice Ghussein, Ander Fernández (30’, Iñigo Elizetxea), Mikel Martin, Asier Unsain (76’, Xabier Garzón), Unai Arteaga, Aimar Labaka, Markel Mancisidor.

Oiartzun KE: Eneko Otsagabia; Telmo Bravo, Jon Manuel Vega, Eñaut Loperena, Ander Irazoqui, Julen Pagola, Gorka Güemes, Oier Etxabe (78’, Beñat Vargas), Ekain Sein, Kepa Estefano, Aitzuri Noble (61’, Unai Cortajarena).

Golak: 0-1, Kepa Estefano (3′). 1-1, Jon Ortiz (9′). 2-1, Mikel Martin (11′). 2-2, Oier Etxabe (36′). 3-2, Jon Ortiz (69′). 3-3, Unai Cortajarena (73′).

Epailea: Ioritz Etxebeste Briz. Txartel horiak Iñigo Elizetxeari (37’) eta Carlos Garciari (75’) Real Union Rocan, eta Oier Etxaberi (75’) Oiartzun KE-n.

Real Union Rocak hiruna berdindu zuen, pasa den larunbatean, Stadium Galen eta Oiartzunen kontra jokatutako 2025eko lehen partiduan. Garaipena ere eskura izan zuen talde txuribeltzak, baina ezin izan zion markagailuko nagusitasunari eutsi eta azkenean, puntuak banatu behar izan zituen. 

Oiartzunek sartu zuen partiduko lehen gola, neurketa hasi eta berehala. Kepa Estafanok, hirugarren minutuan, 1-0ekoa ezarri zuen. Hala ere, Real Union Rocak hurrengo jokaldian berdindu zuen markagailua, Jon Ortizen gol bati esker. Hori gutti balitz, lehen aldiz aitzinetik jarri zen etxeko taldea bi minutu beranduago, Mikel Martinen bidez. Atsedenaldira bidean berriz, Oiartzunek bigarren gola sartu eta binako berdinketa ezarri zuen emaitzean. 

Bigarren zatian, garaipenaren bila atera ziren zelaira bi taldeak. Real Union Rocak lortu zuen markagailua bere alde jartzean, Jon Ortizek sartutako eguneko bigarren golari esker. Horri eusteko helburua bazuten ere, Oiartzunek ez zituen besoak jaso eta eurek ere hirugarren gola sartu zuten, Unai Kortajarenaren penaltiaren bitartez, eta puntuak banatu behar izan zituzten honela. 

Berdinketaren ondotik, Real Union Roca sailkapeneko bostgarren postuan dago kokatuta, 27 punturekin guztira. Asteburuan, Elgoibar bisitatu beharko du Carlos Garciaren taldeak. 

Xabi Garzonek egin du azken partiduaren balorazioa.