Real Union Rocak Aloña Mendi garaitu zuen bere etxean

Aloña Mendi: Jon Irazabal; Jon Etxeberria (46′, Julen Zelaia), Jon Guridi, Hasier Arregi (90′, Mikel Madina), Iñaki Alonso, Joseba Larrea, Auritz Larrea (70′, Oier Guerreiro), Iñigo Guridi (70′, Ander Bikuña), Imanol Pérez, Aimar Anduaga (70′, Ander Irizar), Jokin Madina.

Real Union Roca: Odei Rodríguez; Axel Arrikarte (70′, Beñat Palenzuela), Peru Martínez Barranco, Manuel Pinillos, Jon Ortiz, Brice Ghussein (90′, Aimar Urtizberea), Diego Letamendia, Ander Fernández, Mikel Martin (90′, Rayco Hidalgo), Asier Unsain (80′, Markel Mancisidor), Unai Arteaga.

Golak (2-3): 0-1, Brice Ghussein (6′). 0-2, Mikel Martin (12′). 1-2, Joseba Larrea (50′). 2-2, Julen Zelaia (52′). 2-3, Brice Ghussein (86′).

Txartelak: Txartel horiak Aimar Anduagari (55′) eta Iñaki Alonsori (75′) Aloña Mendin eta Carlos Garcíari (ent, 72′) Real Unión Rocan.

Real Union Rocak 2-3 irabazi zuen pasa den asteburuan Oñatin, bertako Aloña Mendi taldearen kontra. Talde txuribeltzak hirugarren garaipena segidan lortu du honela eta hiru puntu gehiagorekin, hamazazpi ditu orain guztira, sailkapeneko zazpigarren postuan kokatuz.

Neurketa hasi eta seigarren minutuan lortu zuen Real Union Rocak lehen gola. Brice Ghusseinen bitartez lortu zuten txuribeltzek 0-1ekoa. Sei minutu beranduago, errenta hori handitu zuen Mikel Martinek, taldearen bigarren gola eskuratuz, eta 0-2koarekin joan ziren bi taldeak atsedenaldira. 

Bigarren zatian, indarberrituta zelairatu zen Aloña Mendi eta euren lehen gola ere ailegatu zen 50. minutuan, Joseba Larrearen eskutik. Hurrengo jokaldian gainera, etxekoek neurketa berdintzea lortu zuten, Julen Zelaiak ezarritako 2nako markagailuarekin. Real Union Rocak ez zuen amore eman eta hiru puntuak nahi zituela erakutsi zuen, Brice Ghusseinek sartutako bigarren golarekin eta taldeko hirugarrenarekin. Horrela, 2-3ko behin-betiko emaitzarekin, txuribeltzentzat izan zen garaipena.

Hiru puntu gehiagorekin, sailkapeneko zazpigarren postuan kokatu da Carlos Garciaren taldea, hamazazpi punturekin guztira. Heldu den asteburuan etxen jokatuko du taldeak, Lesakako Beti Gazteren kontra. 

Unai Arteaga jokalariak egin digu partiduaren balorazioa.