Puntu bat gertuago du Unionek igoera fasea

REAL UNION: Otaño, Gorosabel, Azkoiti, Aimar (Hernáez, 75'), Ekhi, Escoruela (Ozkoidi, 60'); Rodellar, Martins; Estrada, Juan Domínguez (Arriaga, 68'), Jorge Galán.

BARAKALDO: Gaizka; Juaristi, Maxi, Etxeba, Izquier; Oca, Iru (Iriondo, 52), Cerrajería (Alday, 60'), Totxe (Yurre, 85'); Deco, Vitoria.

GOLAK: 1-0: Gorosabel (21'). 1-1: Vitoria (26'). 2-1: Galan (27'). Oca (70').

EPAILEA: Parra Górriz. Txartel horia: Rodellar, Ekhi (Real Union). Iru, Maxi, Deco, Iriondo, Alday, Izquier, Cerrajería (x2).

Gero eta gertuago du Real Unionek igoera fasea. Bi puntu gehiago dituzte Leioak eta Fuenlabradak, laugarren eta hirugarren sailkatuek. Haien joera, gainera, txuribeltzenaren kontrakoa da. Behetik gora dator Union, azken bost jardunaldietan lau garaipen eta berdinketa bat lortuta. Barakaldoren aurka puntu bat bildu zuen igandean Galen, baina gehiago ere lortu ahal izan zuen. Bi aldiz hartu zuen abantaila, lehen zatian Gorosabelek eta Galanek sartutako golei esker. 70.ean, ordea, Ocak binakoa sartu zuen. Ekhik egindako penaltia eskatu zuen Barakaldok, baina irundarrek ere gertu izan zuten hirugarrena, Galanek azken minutuan eduki zuen aukeran. Ostiralean Ezkerraldean jokatuko du Real Unionek, oraingoan, Sestao Riverren etxean.