Nerea Egia eta Raphael Olekei 2025eko Bidasoako Maratoi Erdiaren garaileak

Bidasoa Atletiko Taldeak antolatutako 2025eko Bidasoako Maratoi Erdia ospatu zen atzo Irun eta Hondarribia artean. 1.496 dortsal banatu ziren guztira, inoizko zifrarik altuena. Maratoi erdiaren garaileak Nerea Egia eta Raphael Olekei izan ziren eta 10K-ko lasterketaren irabazleak aldiz, Emilie Morier eta Diego Pascual. 

Nerea Egiak lortu zuen Bidasoako Maratoi Erdia irabaztea, emakumeen sailkapenean. 1:21:51ko denbora behar izan zuen proba bukatzeko eta bere gibeletik, Rebeca Mariño (1:25:06) eta Garai Etxeberria (1:26:13) sailkatu ziren. Gizonetan berriz, Raphael Olekei nagusitu zen, 1:06:30ko denbora eginda. Bigarren postuan, Ismail Chkhichekh helmugaratu zen (1:08:40) eta hirugarrenean berriz, Alberto Puyuelo (1:08:56).

10K-ko lasterketan berriz, Emilie Morier eta Diego Pascual izan ziren lehenak helmugaratzen. Morierrek 34:55 minutu behar izan zituen proba osatzeko eta bere gibeletik, Cléa Lelièvre (36:16) eta Ana Pérez de Ciriza (39:08) sailkatu ziren, hurrenez hurren. Pascualek berriz, gizonetan, 31:39 minutuan osatu zuen lasterketa eta podiumean, Jérôme Camacho (32:30) eta Sergio Sotelo izan zituen lagun (32:53).