Naia Piquer eta Jon Andiano 16 urtez azpiko Pista Estaliko Espainiako Txapelketan

Espainiako 16 urtez azpiko Pista Estaliko Txapelketa ospatu zen asteburuan Ourensen, eta Bidasoa Atletiko Taldeak ordezkapena izan zuen bertan, Naia Piquer eta Jon Andiano gazteen bitartez. Piquer hogeigarren izan zen 1000 metroko lasterketan eta Andiano berriz, hamazazpigarren 300 metrokoan. 

Naia Piquer 1.000 metroko lasterketan lehiatu zen eta, 3:06,57 minutuko denbora eginez, 20. postua lortu zuen mailkapen orokorrean, finalera ailegatzeko aukerarik izan ez bazuen ere. Jon Andianok berriz, 17. postua eskuratu zuen 300 metroko lasterketan, 38.38 segunduko denboran osatuta proba. Bigarren finalerdietako laugarrena izan zen. 

Jose Antonio Gomez de Arriba bigarren 10K-ko Gipuzkoako Txapelketan

Asteburu berean, Gipuzkoako 10K-ko Txapelketa ospatu zen Donotian, Udaberriko Lasterketan. Bertan izan zen BATeko Jose Antonio Gomez de Arriba eta lan ezin hobea eginda, txapeldunorde izan zen, 31:02 minutuko denborarekin, marka pertsonalik onena ere lortuz.