Konponbiderik topatu gabe jarraitzen du Real Unionek

LEIOA: ángel, Aldalur, Simón, Arregi, Picón, Undabarrena, Capó, Polanco, Jorge García (Silas 72'), Sota (Córdoba, 81'), Xesc (Sergi, 77').

REAL UNION: Otaño, Gorosabel, Escoruela (Josu Hernáez, 66'), Ekhi Senar, Sagastibeltza (Azkoiti, 56'), Esnaola, Dani Estrada, Ozkoidi (Arriaga, 76'), Thaylor, Juan Domínguez, Galán.

GOLAK: 1-0: Undabarrena (51'). 2-0: Sergi (90').

EPAILEA: álvaro López Parra. Txartel horiak: Picón, Aldalur (Leioa); Sagastibeltza, Azkoiti, Ekhi Senar (Real Union).

Bolada kezkagarrian murgilduta dabil Real Union. Garaipen bakarra lortu du azken hamaika jardunaldietan. Larunbatean Leioa bigarren sailkatuaren etxean galdu zuen, Sarriena futbol zelaian. Ondo hasi ziren txuribeltzak, eta gol aukera ona eduki zuen Galanek. Nagusitasuna galduz joan ziren, dena den, minutuek aurrera egin ahala. Arriskua sortu zuen Leioak, Jorge Garcíaren eskuin hegaletik, bereziki. Garcíak berak egin zion pasea Undabarrenari, etxekoen lehen golean, 51.minutuan. Abantailak lasaitasun puntu bat eman zion Leioari. Eroso ibili zen kontraerasoan, azken minutuan norgehiagoka erabaki ahal izan zuen arte. Unionek baino bost puntu gehiago ditu, jada, laugarren sailkatuak.