Kiroletik - Irun Futsal Gabarrari

Irun Futsal Gabarrari areto futbol taldeak bere bigarren denboraldiari ekin dio aurten. Urtebete igaro da kluba zerotik hasi eta martxan jarri zutenetik, eta beraz, jokalari eta taldeko kopuruak gora egitearekin batera, helburuak ere aldatu egin dira. Denboraldi berrian, kirol errendimenduari begiratzeaz gainera, jokalarien prestakuntza egokia ondo landu nahi dute. Mikel Artetxe eta Ibai Lazkano taldekideak klubean ikusten dituzten erronkez mintzatu zaizkigu.