JIPOIA ETA LEHEN LIDERRAK

Mariñok ezin hobe ekin dio Emakumezkoen Ohorezko Erregional mailako txapelketari: 6-1 menderatu zuen Intxaurdi-Oiartzun.

Asko itxaron behar izan dute Emakumezkoen Ohorezko Erregional mailan aritzen diren Mariño taldeko jokalariek txapelketara bueltatzeko. Urtebeteren ostean, Mariñok lehen jardunaldiari zelai berria duen Ugalde-Ventaseko zelaian jokatu zen estreinekoz eta emaitza ezin hobea izan zen, jipoia eta sailkapeneko lehen liderrak.

Sei gol egin eta bakarra jaso zuen Maialen Elgorriagak zuzentzen duen taldeak. Emaitzak berak adierazten du irundarrek neurketan zehar izan zuten nagusitasuna. Hala ere, ez zen multzoko jipoi bakarra izan; izan ere, Añorgak 5-1 mendean hartu zuen Urnieta. Mariño zein Añorga sailkapeneko lehen liderrak dira Emakumezkoen Ohorezko Erregional mailan.

Denboraldi azkarra izango da honakoa. Bi multzotan banatu da liga, itzuli batera jokatuko da eta bi multzoetako lehen lauek igoera fasea jokatzeko aukera izango dute. Bada, lehen neurketetan puntuak batzea oso garrantzitsua izango da.