Jardunaldi bikoitza izan dute Leka Eneako neskek

Bi neurketa jokatu ditu Emakumeen Superdibisioko Leka Eneak abenduko zubian. Larunbatean Galiziara bidaiatu zuten neskek, Santiagoko Orballoren aurka jokatzeko. Sailkapeneko liderra da talde galiziarra, eta nagusi izan zen irundarren kontrako lehian (4-1).

Astelehenean, berriz, Linares mendean hartu zuen Leka Eneak, Sonia Etxazarreta teknifikazio zentroan (4-1). Sailkapeneko bigarrena da talde andaluziarra. Seigarren jardunaldiari zegokion norgehiagoka izan zen. Asteburuan ere bi partida jokatuko ditu Leka Eneak, oraingoan, Katalunian. Calellan larunbatean, eta Mataron igandean.

Berdinketa mutilek

Gizonen Superdibisioko taldeak DKV Borges bigarren sailkatuaren etxean beridundu zuen ostiralean (3-3). Larunbatean Burgosen etxean jokatuko dute Leka Eneako mutilek. Sailkapeneko laugarren tokian daude irundarrak.