JAKUB SKRZYNIARZ ATEZAINAK BIDASOAN SEGITUKO DU DATORREN URTEAN

Poloniarrak Bidasoan egin duen lehendabiziko urtean 34 partida jokatuko ditu guztira

Bidasoa Irunek eta Jakub Skrzyniarzek akordio bat sinatu berri dute eta, horren arabera, atezain poloniarrak bertze denboraldi batez segituko du talde irundarrean. 2022/23ko denboraldia izan da Skrzyniarzentzat lehena Bidasoan eta Plenitude ASOBAL Ligako 20 neurketa, EHF European Leagueko 13 eta Errege Kopako bat jokatu ditu momentuz.

Aurreko udan iritsi zen Jakub Skrzyniarz Bidasoara, MKS Gornik Zabrze taldetik. Atezaina Lubinen, bere jaioterrian, hasi zen eskubaloian aritzen eta 2014/15 denboraldian joan zen SMS Gdánsk taldera. Honen ondotik, 2019ra arte, MKS Zagłębie Lubin taldean jokatu zuen, etxean berriz ere, eta handik MKS Górnik Zabrze taldera joan zen. Hori izan zen Bidasoara iritsi aitzinetik bere azken taldea.

Aurtengo denboraldian, Bidasoarekin, Plenitude ASOBAL Ligako 20 partida, EHF European Leagueko 13 eta Errege Kopako bat jokatu ditu guztira momentuz. Honez gain, Poloniako selekzioaren deialdian ere sartu zen Skrzyniarz eta Polonian eta Suedian jokatu zen Munduko Txapelketan parte hartu zuen taldearekin, Main Round-era iritsiz.