Irune Peinadok, Joel Eransusek eta Aratz Vilak irabazi dute XI. Bidasoa Txingudi Squash Saria

Lur Alai Squash Klubeak XI. Bidasoa Txingudi Squash Saria antolatu zuen aurten ere. Euskal Ligako txapelketa ofiziala izanik, gero eta jendetsuagoa da lehiaketa eta aurten ere kirol gutitu hau sasoi onean daudela erakutsi dute bertan parte hartu dute 48 jokalariek. Ortziraletik igandera lehiatu dira, emakume eta gizon helduak eta juniorrak eta hiru irabazle nabarmendu dira: Irune Peinado, Joel Eransus eta Aratz Vila 

Emakumeetan, Euskal Herrian areriorik ez duen Irune Peinado Sestaoko gaztea gailendu zen, finalean Nagore Cirion Benedictako jokalariari irabaztia. 17 urte bertzerik ez badu, erraz irabazi zion aurkariari eta txapela ere jantzi zuen. Gizonetan, Lur Alai Squash Klubeko Xabier Azaldegi izan zen finalean, Iruñeako Joel Eransusen kontra lehian. Partidu borrokatua izan bazen ere, azkenean nafarrak irabazi zuen, honek ere Euskal Herrian bere mailako areriorik ez duela erakutsiz. 

Helduen partiduak ortzirale eta larunbatean ospatu baziren, juniorrek igande goizean jokatu zuten euren txapelketa. 16 jokalarik hartu zuten parte maila honetan eta Urko Martin nafarraren eta Aratz Vila sestaotarraren kontrako finala izan zen, azken honek txapela irabaziz. 

Gorka Arretxek Lur Alai Squash Klubeko ordezkariak “balorazio positiboa” egin du XI. Bidasoa Txingudi Squash Sariaren inguruan. Batez ere juniorren parte hartzea nabarmendu du Arretxek, “Irungo eskolatik ateratakoak gehienak”. Honekin, squashak Irunen sasoi ona duela berretsi dute.