IPAR EUSKAL HERRIKO ETA GIPUZKOAKO SELEKZIOAK NAGUSITU DIRA EUSKAL HERRIKO SQUASH TXAPELKETAN

Lur Alai Squash Klubeko hiru emakumek eta bi gizonezkok osatu dute Gipuzkoako selekzioaEuskal Herriko Squash Txapelketa ospatu zen pasa den larunbatean Irunen, Artalekuko pistetan. Lehiaketa berezia izan da aurtengoa, izan ere, hirugarren edizio honetan lehen aldia izan da Ipar Euskal Herriko selekzioa sailkatu dela. Gainera, garaipena ere eraman zuten izan ere, bertako makumeak Euskal Herriko txapeldunak bilakatu ziren. Gizonetan berriz, Gipuzkoako selekzioa nagusitu zen. Gorka Arretxe Lur Alai Squash Klubeko ordezkaria pozik eta eskertua azaldu da Federazioak txapelketa hau Irunen egitearen erabakiarekin: “Eskerrak eman nahi dizkiot Federazioari gugan apustua egiteagatik eta horrelako txapelketa garrantzitsu bat Irunera ekartzeagatik”. Emaitzei dagokionez, emakumeetan, lehen aldiz parte hartu duen Ipar Euskal Herriko selekzioa nagusitu zen, Nafarroa, Bizkaia, Araba eta Gipuzkoaren aitzinetik, hurrenez hurren. Gizonetan berriz, Gipuzkoa bilakatu zen Euskal Herriko txapeldun, Nafarroa, Bizkaia, Ipar Euskal Herria eta Arabaren aitzinetik. Arretxek Irungo klubeko partaidetza nabarmendu nahi izan du gainera. Izan ere, emakumeen taldea osoki Lur Alai Squash taldeko jokalariek osatu zuten eta gizonen taldean berriz, lautik bi jokalari ziren etxekoak. Zehazki hauek izan ziren Irungo klubeko jokalari partehartzaileak: Silvia Amaro, Lorea Gomez, Jone Iturria, Xabi Azaldegi eta Gorka Arretxe bera.