HONDARRIBIA HIRUGARREN ETA BANDERA JOMUGAN

Gizonezkoen Kontxako Estropadaren sailkapen proban ez zen sorpresarik egon, faboritoak zirenak eta Zarautz sailkatu ziren datozen bi asteetako lehiarako. Hondarribia hirugarren bukatu zuen, Zierbenaren, eguneko garailearen, lau segunduetara.

Sasoiko iritsi da Hondarribia Arraun Elkarteko trainerua denboraldiko azken zatira. Hasiera batean, bazirudien liga galdutzat zutela bigarren jardunaldian azken postuan bukatu ondoren, baina, jardunaldiak aurrera egin ahala, Mikel Orbañanosen tripulazioak mailaz gora egin du eta txapelketako talde erregularrenetarikoa dela demostratu dute. Gaurkoan, sasoi bikainean jarraitzen dutela berretsi dute Kontxako Estropadako sailkapen proban hirugarren postuan bukatuz.

Zierbena izan da eguneko traineru azkarrena. ‘Galipo’-ek 19:45:00eko denbora markatu zuten eta hauen atzetik, hiru segunduetara Orio sailkatu da. Oriotarrak azken asteetako arantza kendu nahi izan dute eta hamarrenengatik Hondarribia menderatu dute. Hondarribiren atzetik, Santurtzi sailkatu da Zierbenarekiko 14 segundu utzita, eta Urdaibai izan da bostgarren postuan bukatu duen eskifaia.

Bostgarren postutik aurrera, abaniko ederra irekitzen zen bi postu lortzeko. Lehena, Cabok lortu da eta bigarrena, sorpresaz baina meritu guztiarekin, Zarautzentzat izan da. Ondarroa hurbil izan dute Zarauztarrek, baina hiru segunduko galdu eta gero, bizkaitarrak inork ez duen postuan bukatu dute, zortzigarrenean hain zuzen.

Igandean hasiko da arraun munduko bandera preziatuenaren lehia, eta zoriak erabaki du ‘Ama Guadalupekoa’ bigarren txandan Orio, Cabo eta Zierbenarekin aritzea. Aurretik, lehen txandan, Donostiarra, Zarautz, Santurtzi eta Bermeok arraun egingo dute.

DENBORAK:

1. Zierbena 19:45.18

2. Orio 19.49.06

3. Hondarribia 19:49.94

4. Santurtzi 19:58.24

5. Urdaibai 19:59.56

6. Cabo: 20:06.64

7. Zarautz 20:16.94

8. Ondarroa 20:19.26

9. Ares 20:26.76

10.Lekittarra 20:30.54

11.Pedreña 20:34.50

12.San Pedro 20:38.52

13.Samertolameu 20:44.46

14.Tirán 20:48.36

15.Kaiku 20:48.88

16.San Juan 21:04.78

17.Deustu 21:04.92

18.Getaria 21:10.12

19.Zumaia 21:12.92

20.Mutriku 21:38.88

21. Hibaika 22:20.52