HIRU PUNTU IHES EGIN ZUTEN TORRELAVEGAN

Beste bi puntu ihes egiten dutela eta beste berdinketa bat etxetik kanpo eskuratzen duela talde irundarrak. Tuteran 2-2 berdindu ostean, Torrelavegara bidaiatu eta 1-1 berdinketa eskuratu zuen Gimnastikaren aurka. 77.minutuan markagailuan aurretik jarri eta gero, etxeko taldeak 92.minutuan berdinketaren gola eskuratu zuen.

Norgehiagoka primeran hasi zuen talde irundarrak, aukerak edukitzen eta jokoan nagusitzen, baina Gimnastika talde gogorra da eta partiduak narrasten maisuak dira. Eta beste behin, hala egin zuten, norgehiagokaren erritmoa geldotu zuten eta horrekin batera, aukerak murriztu ziren. 11.minututik aurrera partiduak ez zuen zeresan handirik, esanguratsuena 30.minutuan etxeko taldeari baliogabetu zioten gola izan zen.

Bigarren zatian, Real Unionek zutoinera bidali zuen jaurtiketa bat eta berriro ere norgehiagokaren jabe egin ziren. Juan Dominguezek Etxaburu sartu zuen berdegunean eta baloiaren jabetza handitu zen. Horrela, 77.minutuan Ekhi Senarrek sarera bidali zuen baloia eta irundarrak aurretik jarri ziren.

Bazirudien norgehiagoka 0-1ekoarekin bukatu zela, baina aurreko lerroetan aipatu bezala, 92.minutuan, azken hasperenean, Primok 1-1ekoa eskuratu zuen. Beste bi puntuk ihes egiten zutela.

Berdinketa honen bidez, Real Union sailkapeneko 12. postuan kokatzen da, 23 punturekin, promozio postuekiko bost puntutara. Hurrengo arerioa Amorebieta taldea izango da, larunbatean 16.30tan Stadium Galen.