Gorka Nieto kapitainak hiru urtez luzatu du kontratua Bidasoarekin

CD Bidasoa Irunek eta Gorka Nieto lehen taldeko kapitainak azken honen kontratua luzatzeko akordioa sinatu berri dute. Jokalari gazteak talde horian bertze hiru urtez segituko du, 2028ko ekainaren 30era arte hain zuzen ere. 

Gorka Nieto Marcos (Etxebarri, 2002/01/31) CD Bidasoako bigarren taldetik pasa zen eta 2019ko urriaren 16an debutatu zuen lehen taldearekin. Urte berean, Europako txapelketan bere lehen agerpena egin zuen Sporting Club de Portugalaren kontrako partiduan. Gainera, Bidasoaren lehen taldearekin debuta egin eta lau urtera, kapitain izendatu zuten 2023an, 21 urte bertzerik ez zituela eta orain, ezinbertzeko jokalaria da. 

Bere nazioarteko ibilbidean bi domina nabarmentzen dira. Batetik 2021ean Kroaziako Europako Txapelketan lortutako brontzezkoa, oraindik jubenil mailan zegoenean, eta bertzetik, pasa den udan Portugalen irabazitako urrezkoa, Europako Txapelketako finalean anfitrioiaren kontra. 

Julen Aginagalde kirol zuzendiak egindako balorazioaren arabera, “Gorka kluban egon da Hondarribia gure filial bilakatu zenetik eta oraintxe bertan, taldeko jokalari hobereretaniko bat da, baita kapitaina ere. Gurekin jarraitu nahi izatea eta klubeko lanan konfiantza mantentzea oso garrantzitsua da guretzat”.