GARAIPENA LEHEN LAGUNARTEKOAN
Ezaugarri bereko bi arerio lehiatu ziren Plaiaundin, Txingudi Errugbi Kluba eta Bera-Bera B. Nuerketa etxean geratu zen, 14-8.
Txingudi Errugbi Kluba eta Bera-Bera B-ren arteko lehia urrutitik dator, biak ala biak Euskadiko Senior Ligako taldeak dira eta hainbatetan neurtu dituzte indarrak. Errugbi oso txukuna jokatzen duen taldea da Bera-Bera B, meleak gurearen antzeko ezaugarriak dituzte bi taldeek, baina donostiarrek gogor jokatzen dute fase estatikoetan eta kontaktuetan.
Hori kontuan hartuta, lehen zatian markagailua ez zen mugitu, bi taldeek ondo defendatu zituzten aurkariaren saiakerak. Txingudi Errugbi Klubak norgehiagokaren agintea izan zuen, gehiago proposatu zuten, baina azken unetan, denboraldi-aurreko akatsak egin zituzten.
Atsedenalditik itzuli eta Bera-Bera B-k eguneko lehen entsegua gauzatu zuen. Txingudi Errugbi Klubak ez zuen donostiarren ostikada ondo defendatu, defentsa gainditua ikusi zen eta lehen puntuak jaso zituzten. Egoera irauli ezin zebilen etxeko taldea eta akatsak areagotu zituzten. Ateetatik hurbil, hainbat zigor-kolpe eskaini zizkioten Bera-Bera B-ri eta horietako batean, asmatu eta markagailuan 0-8 aurreratu ziren.
Aldaketen erruz iritsi zen Txingudi Errugbi Klubaren erreakzioa. Lehen entseguaren ostean, presioa kendu zuten gainetik eta errugbi ona egiten badakitela demostratu zuten. Lehenik, Rodrigo Combinak lortu zuen entsegua, Alejandro Lasak gauzatzea erdietsi zuen eta 76.minutuan, Alejandro Lasa berak bigarren entsegua lortu zuen talde irundarrarentzat. Meleetan gailentzen hasi zen etxeko taldea eta Unai Herrerok eta Adur Manterolak eginiko jokaladi konbinatu on baten ostean iritsi zen eguneko bigarren entsegua (14-8).
Bera-Bera B-k ere erreakzionatzeko indarrak zituela erakutsi zuen, baina bidasotarren defentsa lan onak denboraldi-aurreko lehen garaipena etxean utziarazi zuen. Iñigo Camarerok, taleko entrenatzaileak, honako adierazpen hauek egin zituen neurketaren inguruan: “garaipena, 14 eta 8, sentsazio onekin, erakutsitako jarreragatik, euskarrien sendotasunagatik eta gure jokoari eman genion jarraitutasunagatik, baina argi daukagu asko dugula hobetzeko ligari berme osoz aurre egiteko”.
