GALLARDOK IRABAZI DU II. ENPRESEN TXAPELKETA

Real Unionek antolatutako enpresen arteko txapelketaren bigarren edizioa ospatu zen pasa den asteburuan Galeko anexoan

Real Unionek II. Enpresen Txapelketa ospatu zuen pasa den larunbatean, ekainaren 3an, Galeko anexoan. Bere babesleen arteko txapelketa hau Gallardok irabazi du aurten, finalean Akerretari 1-0eko markagailuarekin irabazi ondotik.

Txapelketan bi multzo egin ziren bertan izena emanda zeuden enpresen artean. Guztira, hamar taldeek hartu zuten parte: Tecna, Events Onddar2, BM Supermerkatuak, Marmoles Oiasso, Akerreta, Legorburu Aduanas, Servos, Gallardo, Euskal Sareak, El Diario Vasco, Corner Txuribeltz eta PIB Bidasoa. Finalera Akerreta eta Gallardo iritsi ziren eta azken hau gailendu zen, txapelketa honen bigarren edizioaren garaile bilakatuta.

Klub txuribeltzak eskerrak eman nahi izan dizkie txapelketan izena eman zuten enpresa guztiei, baita antolatzen ibili diren babesle eta laguntzaileei ere, txapelketa giro ederrean joan baitzen.