GAL BERRITZEAZ GAIN, BABESLE

Molcaworld, aholkularitza estrategikoan espezializatutako enpresa valentziarra Real Unionen babesle berria bilakatu da.

Real Unionek eta Molcaworld enpresak akordio berria erdietsi dute, enpresa valentziarra talde irundarraren babesle berria izango da. 1998an sortutako enpresa da Molcaworld, kirol esparruak biziberritzen espezilizatua da, baita marka eta kirol-erakundeentzako sormen, fabrikazio, branding eta komunikazio bisualeko proiektuetan espezializatuta ere.

Egun, Molcaworld enpresa Stadium Gal zelaiaren biziberritze lanetan dihardu. Akordioa sinatu duten egunean, “proiektua ahalik eta azkarren errealitate bihurtzeko lanean ari gara. MolcaWorldek esperientzia handia du horrelako lanetan, eta ziur gaude aldaketak klub gisa hazten lagunduko digula”, adierazi du Igor Emery Real Unioneko lehendakariak.

Sinadura ekitaldian, Fran Carrasco Molcaworld enpresako CEO-ak parte hartu eta zera esan du: "markak eta kirol erakundeak suspertzen liderrak gara. Gure balio bereizgarria zelaien, instalazioen eta kirol-ekitaldien sormen-garapen kontzeptualean espezializatzea da, eta, horretarako, erabiltzailearen errentagarritasunean eta esperientzia bakarrean jartzen dugu arreta. Real Madril CF, RC Celta, CA Osasuna, Valentzia CF, RCD Mallorca, RCD Espanyol eta Real Valladolid CF taldeekin batera lan egin dugu”. Real Unionen inguruan, “jakin badakigu klub historikoa dela, eta anbizio handiko proiektua duela; gure ezagutzarekin eta esperientziarekin hazten lagundu nahi diegu", jakinarazi du.