Donibanek irabazi du Hendaiako derbia

HENDAIA: Bainçonau – Morin, Azpeitia, Gallais, Henry – Jimenez, Alcalde – C. Pinon, Bétachet, Labéguerie – V. Pinon, Zubizarreta – Hiriart, S. Ibarburu, Dallery.
Aldaketak : Eceizabarrena, Neisen, Samora, Sallenave, Periat, Tejedor, Ortega, Destruhaut.

DONIBANE LOHIZUNE: David – Etcheverrigaray, Pietrelli, Daubas, Bordagaray – Fischer, Alliot – Elissalde, Soucaze, Juanicotena – Paillard, Sajous – Pénigaud, Broucaret, J. Martinez.
Aldaketak: Kwarazfelia, Hiriart-Urruty, Tescher, Goya, Laffargue, Dacosta, Behoteguy, Wagner-Ballon.

Esperientzia handiagoa erakutsi zuen Donibane Lohizunek igandean, Hendaiaren aurka Ondarraitzen jokatutako partidan. Garaipenari esker, Fédérale 1 mailako bigarren multzoko lidergoan kokatu da, Oloroen porrota baliatuta. Hendaia azken tokian dago, puntu bakar bat ere ez baitu eskuratu oraindik.

Xuriek abantaila hartu zuten lehen zatian, defentsako lanean oinarrituta. 6-3ko emaitzarekin iritsi zen atsedenaldia, eta bazirudien, Hendaiak lehen puntuak biltzeko aukera izan zezakeela. Bigarren zatian, ordea, beheraldi ikaragarria izan zuten etxekoek, eta Donibanek txikitu egin zituen, 0-40koa lortzeraino. Azpimarratzekoa da 2.000 lagun baino gehiago elkartu zirela bizilagunen arteko derbia ikustera.