DAVID MOVILLA: `AZKEN PARTIDUETAN BAINO BERTSIO HOBEA ERAKUTSI BEHAR DUGU´

Real Unionek Intercity jasoko du bihar Galen, azken bi jardunaldietan porrotak jaso ondotik

Real Unionek Intercity jasoko du asteburu honetan Stadium Galen. Zehazki, bihar arituko dira txuribeltzak Alacanteko taldearen kontra, 17:00etan. David Movilla minduta dago azken bi jardunaldietan jasotako porroten ondorioz, eta honi buelta emateko, bihar euren “bertsio hobea” zelairatu beharko dutela argi du entrenatzaileak.

“Urguiluan minduta nago”. Horrela sentitzen da Real Uniongo entrenatzailea. Eldense eta Amorebieta taldeen kontra galdu ondotik, David Movilla ez dago eroso txuribeltzek zelaian erakutsitakoarekin: “Bi partiduek eskatzen ziguten maila ez ematearen ardura osoa nik dut. Taldeak erakusten duena kezkatzen gaitu eta horregatik, bertsio hobea erakutsi behar dugu”.

Entrenamendu onak egiten ari da, hala ere, talde irundarra, baina “lantzen dena gauza bat da eta gero gertatzen dena bertze bat”. Entrenatzailearen iritziz, “puntuak hirunaka gehitzen hasi nahi baditugu, jokoa gure mesedetara gidatu beharko dugu”. Eta hau zaila izanen da asteburu honetan, bertze hainbatetan bezala. Izan ere, Intercity “maila honetako aurrekonturik handienetakoa duen kluba da eta horri esker, fitxaketa oso onak egin ditu bigarren itzulirako. Lehen mailako jokalariak ditu taldean”, Movillak jakinarazi duenez. Horren aitzinean beraz, Real Union “mailarik altuenean aritu beharko da bihar, gure babesarekin babesarekin”.

Alta eta bajen inguruan, aldaketa aunitzik ez dagoela ere onartu du prestatzaileak. Jose Carrilok ez du denbora gehiegirik eduki taldean lan egiteko oraindik, proba-medikuak egiten ari dizkiotelako. Bravok ere ez du bertzeek bezainbertze entrenatu eta beraz, biharko zalantzan dagoen jokalarietako bat da. Montoro berriz, behin zigorra beteta, deialdian sartzeko prest egonen da.