Coro Benitok eta Ruben Fernando Sanchezek urrezko domina bana eskuratu zuten Espainiako Beteranoen Txapelketan
2024/11/14
Sevillako Pineda Hipika Klubean jokatu zen 2024ko Espainiako Beteranoen Txapelketa eta Irungo Jaizubia Zaldiketa Eskolako bi zaldun hauek suertatu ziren txapeldun, taldekako 0* kategorian.
2024ko Espainiako Beteranoen Txapelketa ospatu zen Sevillako Pineda Hipika Klubean eta bi irundar nagusitu ziren bertan, taldekako 0* kategorian. Coro Benitok "Contargos Star" zaldiarekin eta Ruben Fernando Sanchez "Z-Voltaire" zaldiarekin zero bana egin zuten eta beraz, bi urrezko domina ekarri zituzten bueltan etxera.
Euskadiko Hipika Federazioko Ruben Gomezen gidaritzapean aritu ziren lehian, Ane Borde “Fynata” zaldiarekin eta Emilio Valiente “Tacoac d’Elpegere” zaldiarekin izan zituzten taldekide ere. Euskadiko ordezkaritza honetan bertze hamahiru talderen kontra lehiatu ziren Sevillan, merezitako garaipena lortuz.
