CD SAN MARCIALEK TXAPELKETA SOLIDARIOA OSPATU ZUEN AURREKO ASTEBURUAN

San Jose Obrero zelaian ospatu zuten lehendabiziko Ricardo Gomez Txapelketa, Arnasa Fibrosi Kistikoa Elkartearekin batera

Aurreko ostiral eta larunbatean, apirilaren 22 eta 23an, CD San Marcialek lehen Ricardo Gomez Txapelketa ospatu zuen San Jose Obrero zelaian. Ekimena Arnasa Fibrosi Kistkikoa Elkartearekin batera antolatu zuten eta guztira, alebin mailako 32 talde eta 500 jokalarik hartu zuten parte bertan.

Ostiralean eman zioten hasiera txapelketako lehendabiziko jardunaldiari. Goizeko 9etan hasi zituzten neurketak 2011 urteko alebin mailako gaztetxoak eta bertan, CD San Marcial, Real Union, Landetxa KT, Behobia CF, Mariño, Hondarribia, Beti Gazte, Danena, Beti Ona, Vasconia, Sanse, Aviron Bayonais eta Billabona taldeak lehiatu ziren elkarren aurka. Garailea Vasconia izan zen, Danena, Beti Ona eta Mariño taldeen aurretik. Arratsaldean berriz, sari banaketa ospatu zen eta ekitaldian Arnasa elkarteko hainbat ordezkari, tartean Oscar Padura lehendakaria, CD San Marcialeko kideak, Irungo Udaleko ordezkariak eta Bidasoako beste taldeetako kide eta babesleak izan ziren. Gainera, Errealeko zenbait jokalari ohi ere bertaratu ziren, hala nola, Jesus Maria Satrustegi, Xabi Prieto, Gorka Larrea, Markel Bergara eta Imanol Aguirretxe. Julian Iantzi lesakarrak ere zozketaren berri emateko bideo bat bidali zuen.

Larunbatean berriz, 2010eko alebinek jokatu zuten txapelketa. Bertan, CD San Marcial, Erreala, Real Union, Landetxa KT, Behobia CF, Mariño, Hondarribia, Anglet Genes, Ariznabarra, Danena, Beti Ona, Vasconia, Sanse, Englantins, Billabona eta Zumaiako taldeak izan ziren. Bigarren jardunaldiko garailea Beti Ona izan zen, bigarrena Erreala, hirugarrena Danena eta laugarrena, Billabona. Hemen ere bertaratu ziren guztien artean zozketa bat ospatu zen Bodegas Monjardinek, Bodegas Mugak, Hiruzta Bodegak, Bodegas Azpilicuetak, La Perlak, Gran Sol Hondarribiak, Asesoria Zelaiak, Fundacion Real Sociedadek eta Distribuciones Zamorak emandako sariekin.

Txapelketa giro ederrean joan zen eta San Marcial Klubetik eskerrak eman nahi izan dizkiete ekimen hau antolatzeko beraien laguntza eskeini duten enpresei, hala nola, Super Amara, Brioche Pasquier, Aguas del Txingudi, Irungo Udala, Donosti Cup, Asesoria Aselagun, TuCarnet, Bidasoa Formación, Bar Arkupe, Bar Muro, Vertiz Ford, Panaderia Garia, Caja Rural eta Unitravel. Gainera, bi jardunaldietan lanean ibili ziren 50 boluntarioei ere beraien esker ona adierazi nahi izan diete.  

(Argazkia: CD San Marcial)