CARLOS BRAVOK IRABAZI DU III. BIDASOA DEPORTES SARIA

Goleatzaile nagusia omentzen duen saria da eta Carlos Bravo madrildarrak irabazi du aurtengo edizioan

III. Bidasoa Deportes Saria banatu da aurten ere, goleatzaile nagusiari ematen zaiona, eta Carlos Bravok irabazi du. Jokalari madrildarra Sergio Llamasekin goletara berdinduta zegoen, baina koefiziente hobea izanda, berak eraman du saria azkenean.

Carlos Bravok zazpi gol sartu ditu guztira denboraldi honetan zehar, Sergio Llamasek bezain beste. Hala ere, koefiziente hobea izanda, hau da, gol hauek partida gutxiago eta minutu gutxiago jokatuta sartuta, bera izan da sariaren irabazlea. Sailkapenean, hauen azpitik, Mikel Pradera eta Nacho Sanchez daude 5 golekin, Quique Rivero eta Alain Oyarzun 4 golekin, Mario Capelete eta Kun Temenuzhkov 3 golekin, Gorka Kijera eta Alejandro Barbudo 2 golekin eta Gexan Elosegi, Ivan Perez, Jagoba Beobide eta Anatz Elizondo gol bakarrarekin.

Sariak 38 partida ofizial kontuan hartu ditu, Lehen RFEF Footterseko I. Multzoko 37 jardunaldi eta Palentzian jokatutako Errege Kopako partida.