Calderonek jantzi du Bidasoako lehen maillot horia

Gomur Liebana taldeko Steven Calderón kolonbiarrak irabazi du Bidasoa Itzuliko lehen etapa. Igantzin dagoen IrriSarri Land abentura parkean lortu du garaipena, azken maldan Julen Amezqueta (Baqué Campos) eta Enric Mas (Specialized-Fundación Alberto Contador) gainditu ondoren. Irungo Urdanibia plazan irten da Bidasoa Itzuliaren 43.edizioko lehen etapa. Abiadura handian egin dituzte txirrindulariek lehen kilometroak. Tentsioa agerikoa izan da, eta ondorioa izan du azken mendatea hasi baino lehen. 15-20 txirrindulari inguruko taldea erori egin da. Horien artean, Caja Rural taldeko Jonathan Lastra, lasterketa irabazteko faboritoetako bat. IrriSarri Land-era iristeko azken malda gogorretan, tropela erabat hautsi da, eta indartsuenen taldean, Steven Calderón izan da nagusi. Maillot horiaz gainera, mendikoa eta erregulartasunarena ere jantzi ditu.

SAILKAPENA (ETAPA ETA OROKORRA)

1 CALDERóN, STEVEN (Gomur) 2:21:59

2 AMEZQUETA, Julen (Baqué Campos) +1″

3 MAS, Enric (Specialized-F.A. Contador) +1″

4 ROSóN, Jaime (Caja Rural-Seguros RGA) +1″

5 BARCELó, Fernando (Specialized-F.A. Contador) +6″

6 RODRíGUEZ, Cristián (Caja Rural-Seguros RGA) +10″

7 DE WHITE, Matthias (VL Tecnics-Esperza) +13″

8 ZACCANTI, Filippo (Team Colpack) +14″

9 ZATESHILOV, Evgeny (Lokosphinx) +16″

10 ZHURALEV, Vadim (Lokosphinx) +16″