BOSGARRENA JARRAIAN ERE BAI

Ilcapo Hondarribiak 25-32 menden hartu zuen Limpiresol Corazonistas taldea eta jada sei neurketatik bost garaipen eskuratu ditu.

Hiru aste zeramatzan Ilcapo Hondarribiak Euskadiko Senior Ligako neurketa jokatu gabe eta ez zuen gehiegi nabaritu. Aurreko neurketen antzera, aurrean izan zuten arerioa irabazi zuten eta sailkapeneko lidertzan bersendotu dira. Denboraldian jokoan jarri diren 12 puntuetatik 11 eskuratu ditu Aitor Etxaburuk zuzentzen duen taldeak eta argi utzi dute igoera lortzeko faboritoetako taldea dela.

Aurreko neurketetan ez bezala, Ilcapo Hondarribia oso serio eta norgehiagokan zentratua hasi zuen partidua. Atzeko aldean lan ederra eta taldko bi atezainek maila handia erakutsi zuten, 10 gol soilik jaso zituzten lehen zatian. Hala ere, lehen zatia nahiko estu joan zen, 10-12 iritsi ziren atsedenaldira Tao Gayren gol batekin, baina, alde hura izan zen ordura arteko nagusiena.

Bigarren zatia lehenean bezain kontzentratuta irten ziren kantxara eta lehen hamar minutuetan, bost goleko errenta lortu zuten. Eneko Furundarena eta Gorka Nieto, 6 eta 8 golekin, Ilcapo Hondarribiako jokalari nabarmenenak izan ziren. Gol errenta esanguratsua mantentze lanetan bikain moldatu zen Aitor Extabururen taldea, zazpi goletara handitu zuten aldea 25-32koa ezarri arte. Nahiz eta zazpi goleko garaipena erdietsi, Joseba Zabalak Corazonistas taldearen indarra goraipatu zuen: “Corazonistas talde gogorra dela erakutsi zuen eta gure maila onenean jolastera behartu gintuen”. Gainera, “igoera fasea jolasteko kanporaketak hasten direnerako prestaketa ona izan dela uste dut“, gehitu zuen.

Igoera faserako lehen arerioa, final-laurdenetan, Loiola Indautxu talde bilbotarra izango dute.