Bikaintasunetik gertu geratu da Leka Enearen asteburua

Jardunaldi ona izan dute Superdibisioan ari diren Leka Enea elkarteko taldeek. Gizonezkoena etxean aritu zen ostiralean, sailkapenean aurretik dagoen Borgesen kontra. Arerioa maila handikoa izan arren, 4-0 irabazi zuten irundarrek. Bosgarren tokian amaitu dute jardunaldia, Europarako txartela ematen duen postuetako batean.

Leka Eneako emakumeek jardunaldi bikoitza izan dute, Galizian. Orosoren aurka irabazi zuten larunbatean (4-2). Igandean, berriz, Orballoren kontra galdu zuten, 4-3ko markagailu estuarekin. Ondorioz, Europako postuetatik kanpo jarraitzen dute, bi puntura, liga amaitzeko bi hitzordu geratzen zaizkienean.