Tarazona eta Real Unionen arteko neurketa bertan behera
2024/09/27
Euriteen ondorioz, zelaiak ez zituen jokatzeko eta jokalarien segurtasuna bermatzeko beharrezko baldintzak betetzen
Tarazona eta Real Unionek elkarren kontra jokatu beharreko denboraldiko bostgarren jardunaldia bertan behera gelditu zen. Pasa den larunbatean, irailaren 21ean, ospatu behar zen neurketa, baina egun horretako euriteen ondorioz, Tarazonako zelaiak ez zituen jokatzeko eta jokalarien segurtasuna bermatzeko beharrezko baldintzak betetzen. Horregatik guztiagatik, bi taldeek jardunaldia bertan behera uztea erabaki zuten eta bertze data batean ospatuko da bostgarren jardunaldiari dagokion partidu hau. Oraindik konfirmatu gabe badago ere, baliteke urriaren 23an, asteazkenean, ospatzea neurketa.
