BIDASOAK EZ ZUEN PUNTURIK BATU BARTZELONAN

39-28ko markagailuarekin galdu zuen talde irundarrak Barçaren kontra

Bidasoak ezin izan zuen sailkapeneko liderra den Barça taldea garaitu. Nahiz eta talde irundarrak joko ona erakutsi, kataluniarrek beraien nagusitasuna erakutsi zuten etxean eta, azkenean, 39-28ko markagailuarekin irabazi zuten.

Baarça nagusi izan zen neurketa guztian zehar, baina Bidasoak ere bere indarra erakutsi zuen Palau Blaugranan. Hasierako minutuetan berdinduta egon ziren bi taldeak, baina etxekoek berdinketa horiek hautsi eta aurretik jarri ziren segidan, neurketaren bukaerara arte. Atsedenaldira, 21-11ko markagailuarekin iritsi zen norgehiagoka.

Bigarren zatian berriz, neurketari eutsi zioten Bidasoako jokalariek eta tartea gehiegi ez zabaltzeko lanetan ibili ziren. Azken ordu erdi honetan, 18 gol jaso zituen talde irundarrak, baina 17 sartu zituen eta beraz, bi taldeek ere indarrak parekatuak zituztela ikusi zen. Hala ere, ez zen nahikoa izan partidua iraultzeko eta azkenean, 39-28ko markagailuarekin Barçarentzat izan ziren jardunaldiko puntuak.

Azpimarratzekoa izan zen, beste behin, Gey-Emparan, Furundarena, Barreto eta Iribar gazteek egindako lana, Dariel Garcia, Victor Rodriguez eta Gorka Nieto falta ziren neurketan.

(Argazkia: Victor Salgado)