BIDASOAK DIN DAN GOL! GABONETAKO KANPUSA ANTOLATU DU

Abenduaren 26tik 30era ospatuko da eta izen-ematea ireki dute dagoeneko

Bidasoa Klubak Din Dan Gol! Gabonetako kanpusa antolatu du abendurako. Zehazki, abenduaren 26tik 30era ospatuko da eta 2011. eta 2014. urteetan jaiotako haurrei zuzendua egonen da. Egun hauetan zehar, 9:00etatik 13:00etara eginen dituzte entrenamenduak bertan parte hartzen dutenek.

Irungo eskubaloi klub nagusiak Gabonetako kanpusa antolatu du eskualdeko haurrentzat. Hain zuzen ere, 2011. eta 2014. urteetan jaiotako haurrek kirol hau praktikatzeko aukera izanen dute abenduaren 26tik 30era ospatuko diren entrenamenduetan. Saio hauek goizeko 9:00etatik eguerdiko 13:00etara eginen dira eta klubetik jakinarazi dutenez, izena emateko epea irekia dago jada.

Kanpus honen prezioa 65 euroko izanen da haur bakoitzeko eta partehartzaile guztiei kamiseta bat oparituko zaie. Izen-ematea klubeko webgunean egin daiteke, www.cdbidasoa.eus atarian hain zuzen ere. Klubetik adierazi dute, edozein zalantza izanez gero, 943 62 52 85 zenbaki deitu edo cdbidasoa@cdbidasoa.eus helbidera mezu bat idatz daitekeela.