Bidasoak Constanta bisitatuko du EHF EUropean Leagueko hirugarren jardunaldia jokatzeko

Bidasoa Irunek EHF European Leagueko hirugarren jardunaldia jokatuko du astearte honetan, urriaren 26ean, Errumaniako CSM Constantas taldearen kontra (18:45). Suedian garaipena eskuratu ondotik, talde horiak puntu gehiago batu nahi ditu Multzo Fase honetan. 

Alex Mozasek aukera berri baten moduan ikusten du biharko neurketa. Constantasen kontrako partidua neurketa desberdin bat izango dela argi du eta horregatik beragatik, soilik biharko jardunaldian pentsatzea eskatu dio taldeari: “Kirolak ez du memoriarik, ez onerako ez txarrerako; duela astebete gertatu zenak ez du kontatzen. Orain istorio berri bat da”. Prestatzaileak “oso partidu zaila” espero du Errumanian, aurkariak “irabazi egin behar duelako, kanporaketa gainditzeko aukerak izateko”.

Bidasoa Irunek “Errumaniako Ligan indartsuak diren talde baten aurkako itxialdia izango du zain, jokalari oso indartsuekin eta defentsa gogorrarekin. Jokatzen dakien taldea da, iragan denboraldiko blokea mantentzen du eta erasoko jokalariak kalitate handikoak dira”, gaineratu du Mozasek. Baina, beti bezala, bidasotarren jokoan egongo da gakoa: “Gu jarraitzen ari garen ildo honi eustea da garrantzitsuena, azken partidetan oso ona izaten ari baita. Oso ondo defendatu beharko ditugu eta gure joko-erritmoa inposatu”.