Bidasoa Irunek bigarren itzuliko lehen bi puntuak eskuratu ditu

Bidasoa Irunek 25-26 garaitu zuen atzo arratsean Bada Huesca, Plenitude ASOBAL Ligako bigarren itzuliko bigarren jardunaldian. Neurketa parekatua izan zen azken minutura arte. Iñaki Caverok sartutako penalti batek eman zion garaipena talde horiari azken segunduetan eta horrela, jardunaldiko bi puntuak ere eskuratu zituen.

Lehen zatiaren hasieran aitzinetik jarri zen markagailuan Bidasoa, Dariel eta Jevticen gol banarekin. Hala ere, Huesca ongi kantxaratu zen etxean eta hurbiletik segitu zion talde horiari. Defentsan ere fin ibili ziren Huescakoak eta horrek baloiak galtzea eragin zion Bidasoari. Lehen ordu laurdenean parekatuak zeuden bi taldeak, 7-7koarekin, baina Eneko Furundarenaren kanporaketaren ondotik, etxekoak aurretik jarri ziren (10-9). Talde bisitaria deseroso zegoen kantxan eta Alex Mozasek hutsartea eskatu zuen norabidea aldatzeko. Azken bost minutuetan, hartu-emanean aritu ziren bi taldeak, baina azkenean, atsedenaldira bidean, Huesca aitzinetik jarri zen, 13-12ko emaitzarekin. 

Bigarren zatian, modu sendoan kantxaratu zen Bidasoa, defentsan biziago jokatuta eta erasoan erabakigarriago. Lehen minutuetan Bada Huescako jokalari bat kanporatu zuten eta ongi aprobetxatu zuen talde horiak hau markagailuan aitzinetik jartzeko (15-18), partiduko alderik handiena eskuratuz. Huescak ez zuen amore eman eta atean fin ibiliz, gol bakarrera hurbildu ziren (18-19). Talde horiak berriz ere hiruko abantaila hartu zuen, baina partiduko azken hamar minutuetan sartuak zeudenean, Huecak neurketa berdindu zuen (22-22). Azken jokaldietan, hartu-emanean egon ziren berriz ere bi taldeak, baten eta bertzearen alde jarriz emaitza. 25-25koa zuten ezarrita azken minutuetan eta orduan, bidasotarrak erasoan zeudenean, Esteban Salinasek jaurti eta epaileak 7 metroko jaurtiketa erabaki zuen. Honela, Bidasoaren alde jarri zen neurketa eta ongi aprobetxatu zuen aukera Iñaki Caverok, penaltiarekin asmatuz eta 25-26ko behin-betiko markagailua ezarriz. 

Plenitude ASOBAL Ligako bigarren itzuliko lehen bi puntuak eskuratuz, hurrengo asteartean (otsailaren 25ean), Artalekura bueltatuko da EHF European Leguaeko Main Round-eko hirugarren jardunaldia, Limogesen kontra (20:45).