Bidasoa Irunek Barçaren kontra galdu zuen Espainiako Kopako finalerdian

Bidasoa Irunek porrota jaso zuen Espainiako Kopako finalerdian, Barçaren kontra. 35-27ko markagailuarekin, talde horiak galdu egin zuen finalerako txartela galduz. Honen ondotik, Europako Txapelketako Main Round-a dute begiz jota Alex Mozasen jokalariek. 

Behin-betiko emaitzak islatzen duena baina partidu parekatuago bat jokatu zuten Bidasoak eta Barçak Espainiako Kopako finalerdietan. Lehen minutuetan norgehiagoka hasi ondotik, zazpigarren minutuan lortu zuen Barçak aurrea hartzea eta hiru goleko aldea lortu zuen hamabigarren minuturako (7-4). Kataluniarrek erritmo altua jarri zuten kantxan, baina talde horia gai izan zen horri eusteko, baita markagailuan hurbiltzeko ere. 18. minutuan, Barçak eskatutako lehen hutsartearen ondotik, Julen Mujikak neurketa berdintzea lortu zuen (11-11). Kataluniarrek ez zuten amore eman eta berriz ere tartea handitu egin zuten euren alde. Atsedenaldira bidean berriz, Bidasoak neurketa berdindu zuen, nahiz eta 18-17ko emaitzarekin bukatu lehen zatia. 

Bigarren zatian, Bidasoa garaipena posible zela sinetsita kantxaratu zen. Hala ere, Barçaren erritmoa askoz ere handiagoa izan zen eta defentsan intentsitate handian aritu zen. Kataluniarren alde markagailuko tartea, poliki-poliki, gero eta handiagoa zen eta Bidasoak ahaleginak egin zituen neurketak ihesik ez egiteko. Hala ere, nahiz eta lan gogorra egin erritmo altuari eusteko, garaipena ez zen posible izan horientzat eta 35-27ko markagailuarekin Espainiako Kopako finalerdietan gelditu zen Alex Mozasen taldea. 

Txapelketa hau alde batera utzita, segidan hasi zen Bidasoa biharko (otsailaren 11ko) partiduari begira. Europako Txapelketa Main Round-ari hasiera emanen dio talde horiak Artalekun, Benficaren kontra, 20:45ean. 

Julen Aginagalde CD Bidasoako kirol zuzendariak egin du Espainiako Kopako balorazio.