BIDASOA GARAIPENAREN IBILBIDERA ITZULI DA

Aise garaitu du Cangas de Morrazo talde galiziarra, lehen zatian bost goleko aldearekin iritsi dira eta amaieran 32-19 irabazi dute

32 - Bidasoa-Irún: Rangel (Ledo); Crowley, Odriozola (3), E. Salinas (3), R. Salinas (2), Tesoriere, Seri (4); Cavero (2, 1p), Orbovic (2), Serrano (4), De la Salud (3), Renaud-David (3), Azkue (5, 1p) eta Da Silva (1).

19 - Frigoríficos Morrazo Cangas: Forns (Xavi Díaz); Vujovic (3), Soliño, Peiró, Cerqueira (1), Vilanova, Muratovic (2); Simes (6, 4p), González (2), Gayo (1), Quintas Aller, Rodríguez (1), Menduíña (2) eta Castro (1). 

Bi neurketa jarraian galdu ostean, Balonmano La Rioja Logroñoren aurka Asobal Ligan eta Eurofarm Rabotnicen aurka Velux EHF Champions Leaguean, Bidasoak garaipen berri bat erdietsi du. Cangas do Morrazo taldeak ezin izan du ezer egin Bidasoaren aurrean, erasoan eta defentsan galiziarrak baino maila altuago batean daudela erakutsi dute. Jardunaldi honen ondoren, Bidasoak sailkapeneko laugarren postuan jarraitzen du 20 punturekin Balonmano Logroño La Riojarekin berdinduta. Lehen itzulia bukatzeko bi jardunaldiren faltan, Bidasoak Asobal Kopan sartzeko aukerarekin jarraitzen du.

Neurketari dagokionez, bi taldeek hiru minutu behar izan zuten lehen golak sartzeko. Bidasoa hasieratik hobe kokatu zen kantxan eta hamargarren minutuan lehen aldiz hiru goleko abantaila lortu zuten. Lehen zati honetako Jon Azkue gailendu zen gainontzeko jokalariengandik. Bost gol sartu zituen oriotarrak eta Estaban Salinasekin batera, erasoko punta bihurtu ziren. Artalekuko zalegoak obazio ederra eman zion, ostegunean jakinarazi zuen klubak datorren urtean ez zutela jokalari txiletarrarekin kontatzen eta Bidasoaren zaletuek euren esker ona azaldu nahi izan zuten. Morrazok argi utzi zuen zergaitik den sailkapeneko azkena, defentsan zulo asko utzi zituzten eta Bidasoaren erasoei ez zuten erantzuna ematen jakin. Horren adierazle argia, Forn atezainaren lehen geldiketa 24.minutuan iristea izan zen. Lehen zatiko abantaila nagusia atsedenaldira iritsi baino lehen izan zen (13-8).

Bigarren zatian, Bidasoak arrabola talde galiziarraren gainetik pasa zuen. Lehen bost minutuetan atsedenaldiko abantaila bikoiztu zuten eta ordutik aurrera, neurketa nahi izan zuten erara kontrolatu zuten. Azken 30 minutuak korridore luze bat izan zen Jacobo Cuetararen taldearentzat, Jon Azkuek ez zuen bigarren zatian jokatu eta taldeko bik ezik, gainontzekoek golak erdietsi zituzten, baita Matheus Da Silva defentsak ere.